أنا المصرى سليل الموحدين المؤمنين
شايل هموم الأمه من سنين
فزاع النوائب وقت الشده
حامي الزمام في كل حين
كاسر الصخر بأيدى
بأني الأهرامات من ألاف السنين
أنا المصرى سليل الأكرمين
طاعم البرين
يشهد القرآن ويوسف الصديق
والعجاف سبع سنين
راوى الصحراء بدمي
أسألوا الخديوى سعيد وديلسيبس اللعين
أنا المصري حفيد الموحدين
منارة القطرين
بأني السد بأيدى في لحظة تحدى
مش محتاج أقول أنا كنت مين
الأزهر منارة أسسها أجدادىمن سنين
كان لينا في كل بر كلمه مرفوعين الجبين
عابرالقناه والخطين
أنا المصرى اللي صوتي يدوى
يمنع الزاحفين
تشهد عليه ارض الكويت
ورجعت قاسم مع الزاحفين
تشهد عليه لبنان في صرخه زعيمنا
لما اوقفت امريكا والبريطانين
أنا المصرى سليل الموحدين
جانا اللي رمانا للمهالك
وكلاب السكك النهاشين
أحلا أيام عمرى
ضاعت مني من سنين
في لحظة فقدت العقل والصوت
.وأصبحت مكتوف اليدين
بعد ماكنت فزاع النوائب
مش عارف نسيت دا كله فين
أنا المصرى سليل الأكرمين
مين اللي سرق أسمي
منين اللي سرق عقلي
مين اللي كتم صوتي
مين اللي كتف لي اليدين
أسالوا ولاد الكلب النخاسين
ليست هناك تعليقات:
إرسال تعليق