كل الحكاية يا حضرات.
في يوم من الأيام رايح أروى الموشي.
من الموردة علي شط النيل.
الى يسمع يقول الواد دا فلاح قرارى.
ابن اصول ملهش فى الحوارات
كل الحكاية بقرتين وجاموسة
وبنتها وحماره.
ميراث ابوى من الجد الكبير.
على الجسر عند النزلة.
جرت الجاموسة وبنتها لى يم النيل.
شاهدة السعادة بفرحتهما بماء النيل.
تركت أحبلهم وراحو يسبحو فى النيل.
سقية البقرتين والحماره.
ربطت أحبلهم بحجرة على شاطئ النيل.
نزلت لأول مرة أسبح رغم انى أسبح من سنين.
اليوم تعلمت حب النيل.
وحبيت بصدق بنت النيل.
سبحت وسعدت فيك يانيل.
لأول مرة اشوف بنت بلدى.
اشوف عروس النيل.
بتغسل المواعين على شاطئ النيل.
لونها بشرتها خمرى أخدنى ليم النيل.
عايقه ومدلعه
حطه الطرحة الشفتيشى
وربطه المنديل بأويه
ولبسه الخلخال أبو جلجيل.
مالت بظرة كسهم حور العين.
تذكرت رواية عروس النيل
وحب الارواح ليم النيل.
دب في صدرى رصاصة
من سهم صاحبة الخلاخيل.
سهم غار سكن قلبى ماله دليل.
توعدنا قبل الغروب.
أنتظرتها علي جسر النيل.
وصارت قصة حب إبتدأنها على شاطئ النيل.
في يوم بعد يوم صارت تكبر قصتنا.
ويكبر معها الحب اللى بيننا.
أه لقاءات كثيرة،
مرة تحت التوتة،
ومره في طل جميزة ابوالهدهيد،
والثالثة تحت الصفصافة،
وكله على شطى النيل.
نقول ونعيد ونروى حكايتنا،
وفي يوم كانت جلستنا،
صافيه صفاء السما فى عز الليل.
حكينا وروينا حبنا ورواحنا بلا هموم.
وكل واحد قدم للتانى هدية،
كانت هديتى منديل حرير ابيض،
بطرف مشغول وله وردة حمرأء، تظهر مع رابطة المنديل حولين الرقبة ودى كانت علامتنا.
وصارت علامة الحبيبين.
صارت الحكاية سهراية على لسان كل اثنين.
كل الشباب عرفوا الحكاية وقلدوها فى القديم.
وصرنا مدرسة للعاشقين.
أقسمت للجميع بألف يمين.
غرضى شريف وطالب القرب.
قالوا خلاص كل شئ ممنوع.
خرجت محتار اروح لمين ولا مين.
انا لسه صغير علي القصص والمواويل.
رحتلهم تاني أرضيهم وأطلب ودهم.
قالوا خلاص البنت اتجوزت.
ربطت علي جرحى بالمنديل.
وطويت صفحة صاحبة المنديل.
Come and follow my blog
ردحذفجملة جدا
ردحذفبس يا ترى من صاحبة المنديل
على فكره انا كان نفسى اعرف مين هى صاحبه المنديل والحمد لله عرفتها وكمان بعتلها القصيده وبتقول ياريتك كملت تعليمك وكمان بتقول لو الاختيار كان لها كانت اختارت غير الواقع خالص انا حبيت اقوله ان القصيده وصلتها
ردحذف